أنت صايم؟ انهو صيام؟

michael noshy الخميس أبريل 10, 2008 5:04 pm

بسم الاب والابن والروح القدس الة واحد امين
كل سنة وانت جميعا طيبين بالصيام
اتمناة سعيد روحيا
لكن ان عايز اعرف حاجة اكيد الكل صايم
بس هل احنا صايمين انهى صيام الصيام اللى فية بناكل بزيت وبنروح الكنيسة عادى جدا ذى كل يوم جمعة وبعد القداس نطلع نقف فى الحوش نتكلم على دة وعلى دى ونفضل نتكلم كالعادة فى اى كلام لايليق بالمكان ولا يليق بالصيام
اللى احنا بنقول اننا صايمينة
وتانى يوم نروح الشغل وطبعا ما ادراك من الشغل اكيد كل منا فى فشغلة الكثير من الخطايا اليومية اما من كدب او تزويغ او رشاوى(تسهيل امور)لا بس هيا اسمها عند ربنا رشوة معلش
وبعد كدة نروح البيت ناكل الاكل ابو زيت
اللى بية بنبقا صايمين
وننام شوية وبعد كدة ننزل نروح الكنيسة نحضر صلوات كيهك ونلاقى نص الشباب واقف برا فى الحوش كالعادة كما لو كان هناك عداء بينهم وبين الدخول لمحفل الكنيسة البهى او ان الحوش فية اللى بيشدهم عن الصلاة واحلى منها المهم تخلص الصلاة ونروح نريح ساعتين تلاتة وننزل الشغل اللى فية اكتر خطايا حياتنا كلها ونرجع للبيت وهلما جرا
هل هو دة الصيام؟
اللى بية بنستعد لاستقبال ميلاد الرب يسوع المسيح
هل هو دة الصيام
اللى المفروض علينا اننا ناخدة تدريب على كل حاجة حلوة عايزين نمارسها فى حياتنا من بعد عن الخطايا والاحساس بالفقراء والبعد عن ملذات الحياة وشهواتها والتقرب من بيت اللة اطول وقت ممكن فى حياتنا لنستعد بجد للحياة مع الرب فى الفردوس اللى هى املنا الحقيقى فى الدنيا ولولا املنا فيها ماكنا حاربنا الشيطان ولا ملذاتنا ولا اى عادة سيئة اتعودنا عليها
صح مش كدة ولا اية
اتمنى لى ولكم صوم سعيد روحيا ومفيد لحياتنا بعد الصيام
الرب يقويكم على عدو الخير.

مستني تعليقاتكم